deriveFANZINA (RE)DESCUBRIENDO...

DAGOENEKO KALEAN DA PKTenteres BERRIA

AMASTÉ izan da aldizkariari aire berria emateko arduraduna. Aldaketa diseinu-mailakoa ez ezik, kontzeptuala ere izan da eta aldizkari berria gasteiztarren komunikaziorako eta parte-hartzerako tresna bihurtzea izan da helburua.

Gasteizko Udalak gazteen informaziorako argitaratzen duen aldizkaria da PKTenteres.

Era berean, 15 eta 20 urte bitarteko gasteiztarren arteko komunikazioa bultzatzeko tresna ere bada.

Aldizkariaren orrialdeetan informazioa aurkituko duzu (PKTmole), irakurleen kolaborazioak (PKTexpreses), gaurkotasuna (PKTmuevas), kontaktuak (PKTanuncies) eta artikuluak (PKTinformes).

Batez ere, gazteek eta gazteentzako egindako aldizkaria da. Horregatik, parte-hartzeari eta adierazpenari buruzko zenbait tailer antolatu ditugu (PKTexpreses) eta hilero izango da horien berri aldizkarian.

PKTenteres aldizkariarentzat, garrantzitsuena gasteiztarrek aldizkaria zeuena egitea da. Horregatik, atal guztiak zuen iradokizunei, informazioei edota iritziei irekiak daude. Aldizkariak antolaturiko tailer edo bestelako deialdietan parte hartzeko, bidal iezaguzu e-mail bat helbide honetara: pktenteres@vitoria-gasteiz.org.

Ez bazarete Gasteizen bizi edo azken alea lortu ez baduzue, udalaren web orrialdetik jaits dezakezue. Ikusiko duzuenez, han bertan aurreko ale guztiak topatuko dituzue.

 del.icio.us-era gehitu.       Meneame-ra gehitu.